Spíran er fjölskylduvænn bistro staður á efri hæð Garðheima þar sem í boði eru léttir réttir í hádeginu alla virka daga. Boðið er upp á kaffi, ís og heimagert bakkelsi alla daga vikunnar.

Matseðillinn er breytilegur sem þýðir að það er alltaf eitthvað nýtt og ferskt í matinn á hverjum degi. Þú velur þína eigin samsetningu úr nokkrum frumlegum salötum og rétti dagsins. Auk þess er alltaf í boði súpa dagsins, Spírulokur, brauðkörfur með heimagerðum dýfum, múffur eða skúffur, hrákökur og ýmiss konar bakkelsi. Til þess að tryggja að hráefnið sé eins ferskt og mögulegt er verslum við beint frá bónda, auk þess sem við erum með okkar eigin grænmetisgarð. Þá munum við reglulega verða með græna fróðleiksmola um notkun og virkni jurta til gagns og gamans. Í kósí horninu er svo úrval af garðyrkju-, matreiðslu- og lífsstílsbókum, sem hægt er að glugga í yfir ljúffengum kaffibolla.

Yfirkokkur Spírunnar er Hinrik Carl Ellertsson matreiðslumaður. Hann hefur starfað sem kokkur á Rauðará steikhúsi, Varmahlíð í Skagafirði, Radisson SAS í Kristiansand, veitingastaðnum Austur og ostabúðinni Búrinu. Spíran er opin alla daga vikunnar frá kl. 11-17. S. 540 3320. Netfang: This e-mail address is being protected from spambots. You need JavaScript enabled to view it Verið velkomin í Spíruna, Garðheimum.